តា​អាយុ​៩៣​ឆ្នាំ​ត្រូវ​គេ​សែង​ចូល​តុលាការ​ចំពោះ​ការរំលោភ​ក្មេងស្រី​៤​នាក់

បុរស​អូស្ត្រាលី​អាយុ​៩៣​ឆ្នាំ​ម្នាក់​បាន​ឡើង​តុលាការ​ថៃ​កាលពី​ថ្ងៃ​ចន្ទ​ ចំពោះ​ការចោទប្រកាន់​ពី​បទ​ចាប់រំលោភ​បងប្អូន​ស្រី​៤​នាក់​។​

Karl Joseph Kraus​ត្រូវបាន​គេ​សែង​ចេញពី​រថយន្ត​ពន្ធនាគារ​ចូលក្នុង​កៅអី​រុញ​មួយ​ ដើម្បី​នាំ​គាត់​ចូល​តុលាការ​មួយ​នៅ​ខេត្ត​​ឈៀង​ម៉ៃ ប្រទេស​ថៃ​ភាគ​ខាងជើង​ចំពោះ​ការ​ចោទ​ពី​បទ​រំលោភ​ក្មេងស្រី​អាយុ​រវាង​៧​ទៅ​ ១៥​ឆ្នាំ កាលពី​ឆ្នាំ​២០១០​។​

Kraus​ត្រូវបាន​អ្នកទោសសែង​ចេញពី​រថយន្ត​ពន្ធនាគារ​ចូល​កៅអី​រុញ​ដើម្បី​នាំ​គាត់​ចូល​សាល​តុលាការ​កាលពី​ថ្ងៃ​ចន្ទ​នៅ​ឈៀង​ម៉ៃ

​ បន្ទាប់​ពី​ការចាប់ខ្លួន​តែ​បាន​បង់ប្រាក់​ធានា​ខ្លួន​នៅ​ក្រៅ​ឃុំ Kraus​បាន​ភៀសខ្លួន​ទៅ​មី​យ៉ាន់​ម៉ា តែ​ត្រូវបាន​ចាប់​បញ្ជូន​ខ្លួន​ពី​​ទីនោះ​មក​វិញ ដោយសារ​មិន​មាន​ទិដ្ឋាការ​នៅ​មាន​តម្លៃ​។​

​ពួក​មេធាវី​របស់​គាត់​ ឥឡូវ​ព្យាយាម​អោយ​តុលាការ​ទម្លាក់​ចោលការ​ចោទប្រកាន់​ពីបទ​ចាប់រំលោភ ដោយ​សំអាង​ថា​គាត់​មាន​ជម្ងឺ​មិន​​អាច​ឡើង​សវនាការ​បាន​។​

​កាលពី​ខែ ​មុន​គាត់​បាន​ប្រាប់​កាសែត​Sydney Morning Telegraph​ថា​"​ខ្ញុំ​នឹង​ងាប់​មុន​សវនាការ​ចប់​។​ខ្ញុំ​មិន​បាន​ធ្វើ​អ្វី​ ខុស​ទេ​"​។​

Kraus ជនជាតិ​អូស្ត្រាលី​ដើមកំណើត​អាល្លឺម៉ង់ មាន​ជម្ងឺ​ច្រើន​មុខ ដូចជា​វិកល​ចរិក និង​មហារីក នេះ​បើ​តាម​ការអះអាង​របស់​មេធាវី​​របស់គាត់​។​តែ​កាលពី​នៅ​ក្រៅ​ឃុំ គាត់​ត្រូវបាន​គេ​ឃើញ​ជិះ​ម៉ូតូ​ពេញ​ក្រុង​ឈៀង​ម៉ៃ​និង​មិន​មាន​បង្ហាញ​ អាការ​មាន​ជម្ងឺ​ទេ​។​

Kraus ពេល​ត្រូវបាន​ចាប់ខ្លួន​កាលពី​៣​ឆ្នាំមុន

​ ​អតីត​កម្មករ​ផ្លូវ​ដែល​រូប​នេះ​បាន​រស់​នៅ​ថៃ​អស់​ពេល​ជាង​មួយ​ទសវត្សរ៍​ នៅពេល​លោក​បាន​ជួប​ពួក​ក្មេងស្រីៗ​ដែល​បាន​ចោទ​​លោក​ថា​បាន​រំលោភ​ពួកគេ​។​

​ ប៉ូលិស​បាន​និយាយថា​Kraus​បាន​ធានា​បង្រៀន​ពួកគេ​នូវ​ភាសា​អង់គ្លេស និង​ទាក់ទាញ​ពួកគេ​អោយ​ទៅ​ផ្ទះ​គាត់​តាមរយៈ​ការផ្តល់​​លុយ​និង​ស្ករ​សូកូឡា​ ។​

​ពួក​ក្មេង​ស្រី​នេះ​បាន​ប្រាប់​ឪពុក​ម្តាយ​របស់​គេ​ថា​Kraus​បាន​រំលោភ​ពួកគេ​និង​ឪពុកម្តាយ​បាន​រាយការណ៍​ទៅ​ប៉ូលិស​។​

​ ពួក​មន្ត្រី​ក៏​បាន​រកឃើញ​រូបភាព​អាសអាភាស​កូនក្មេង​ជាង​១០០​នៅក្នុង​ កុំព្យូទ័រ​របស់គាត់ ភាគច្រើន​ត្រូវបាន​បញ្ជូន​ទៅកាន់​អស​យ​​ដ្ឋា​ន​នៅក្រៅ​ថៃ​៕
CEN