Monday, March 25, 2013

បងខ្មែរ សុវណ្ណាភូមិ ប្រឹងប្រែងដល់ករ

ខ្ញុំសូមសរសើរដល់បង ខ្មែរសុវណ្ណាភូមិ គាត់មានការស្រាជ្រាវច្រើនមែន ខាងការស្រលាញ់ប្រទេស សូមបងរក្សា ការតស៊ូរនិងចែករំលែកនូវអ្វីដែលកូនខ្មែរត្រូវដឹងបន្តទៀង ខ្ញុំគាំទ្របង ពីខ្ញុំដល់ក៕

ទំព័រ

ខ្មែរ សុវណ្ណាភូមិ

គណនី
ខ្មែរ សុវណ្ណាភូមិ

រងគ្រោះដោយចេតនាស្លាប់៣នាក់ ទទួលសំណង ៣០០០ដុល្លា

កំពង់ចាម: ក្រុមគ្រួសារសពជនរងគ្រោះ ដែលត្រូវរថយន្តមួយគ្រឿងបុកស្លាប់ទាំងបីនាក់ កាលពីម៉ោងជាង ៩ យប់ថ្ងៃទី១២ ខែមីនា ឆ្នាំ២០១៣នោះ បានទទួលសំណងពីខាងភាគីរថយន្តបង្ក ដោយក្នុងសពម្នាក់ៗ ទទួលបានមួយពាន់ដុល្លារ និងអង្ករ ២០០ គីឡូក្រាម។

ក្រុមគ្រួសារជនរងគ្រោះបានឲ្យដឹងថា គេបាននាំយកសំណង ដោយមានទាំងសមត្ថកិច្ចមកជាមួយ ចំនួន ១.០០០ ដុល្លារ និងអង្ករ ២០០ គីឡូក្រាម និងម៉ូតូមួយគ្រឿង ទៅឲ្យម្ចាស់ម៉ូតូ គ្រួសារសពឈ្មោះ អួន គឹមស្រ៊ាន។ ក្រុមគ្រួសារជនរងគ្រោះបន្តថា "បើខ្ញុំមិនព្រមទទួលយក ខ្លាចក្រែងមិនបាន ហើយម្យ៉ាងទៀត ខ្ញុំគ្មានលុយសម្រាប់សងថ្លៃធ្វើបុណ្យ ដូច្នេះត្រូវតែទទួលយកទាំងបង្ខំចិត្ត"។

មតិមួយចំនួនបានសម្តែងថា មនុស្សស្លាប់មួយទាំងមូល តែបែរជាអ្នកបង្កយកសំណងត្រឹមតែ ១.០០០ ដុល្លារ និងអង្ករ ២០០ គីឡូក្រាម តែទោះបីជាយ៉ាងណាក៏ដោយ សំណងនេះវាគ្រាន់តែជាការផ្តល់ជូនទៅឲ្យក្រុមគ្រួសារជនរងគ្រោះ ដើម្បីដោះស្រាយធ្វើបុណ្យប៉ុណ្ណោះ អ្នកបង្កត្រូវតែទទួលទោសតាមច្បាប់ ព្រោះនេះជាបទល្មើសព្រហ្មទណ្ឌ គឺបានសម្លាប់មនុស្សរហូតដល់បីនាក់ឯណោះ។

សូមបញ្ជាក់ផងដែរថា កាលពីម៉ោងជាង ៩ យប់ថ្ងៃទី១២ ខែមីនា ឆ្នាំ២០១៣ មានករណីរថយន្តបានបុកម៉ូតូជិះឌុបគ្នាបីនាក់ បណ្តាលឲ្យស្លាប់បីនាក់ នៅលើស្ពានគីហ្សូណា ខេត្តកំពង់ចាម។

ប៉ូលិសចរាចរណ៍ជើងគោកក្រុងកំពង់ចាម បានប្រាប់ថា ជនរងគ្រោះដែលស្លាប់រួមមាន ១. បុរសជាអ្នកបើកបរម៉ូតូម៉ាកស្មាស ពណ៌ខ្មៅ ឈ្មោះ អួន គឹមស្រ៊ាន អាយុ ៣៥ឆ្នាំ មានទីលំនៅភូមិជីរោទ៍កណ្តាល ឃុំជីរោទ៍១ ស្រុកត្បូងឃ្មុំ, ២. ឈ្មោះ កែ ផលឃ្លី ភេទស្រី អាយុ ៣២ឆ្នាំ និង ៣. ឈ្មោះ លី ញ៉ ភេទស្រី អាយុ ២៧ឆ្នាំ។ ស្ត្រីទាំងពីរមានទីលំនៅភូមិព្រែកតូច ឃុំជីរោទ៍១ ស្រុកត្បូងឃ្មុំ។

ចំណែករថយន្តបង្កហេតុ ម៉ាកហាយឡែនឌ័រ ពណ៌ខ្មៅ ពាក់ស្លាក ភ្នំពេញ 2P-5571 អ្នកបើកបានរត់គេចខ្លួនបាត់។ ប៉ូលិសបានសនិ្នដ្ឋានថា អ្នកបើកបរ ដែលជាម្ចាស់រថយន្ត ទំនងជាបុរសដែលសមត្ថកិច្ចបានរកឃើញអត្តសញ្ញាណប័ណ្ណមួយច្បាប់ នៅក្នុងរថយន្ត ឈ្មោះ ប៉ក សុខា ឋានៈអនុសេនីយ៍ឯក ក្នុងអង្គភាពយោធាខាងបញ្ជូនសារ មានលេខអាយឌី ២២៧៣ ប ស ម៕

Saturday, March 23, 2013

នយោបាយ Update

អ្នកសង្កេតការណ៍ឯករាជ្យមួយចំនួនបានរិះគន់ថា
ហ៊ុន សែន និងមន្ត្រីជាន់ខ្ពស់គណបក្សប្រជាជនព្រួយបារម្ភយ៉ាងខ្លាំងចំពោះសន្ទុះគាំទ្រគណបក្សសង្គ្រោះជាតិ ដែលមានលោក សម រង្ស៊ី ជាប្រធាន ព្រោះមួយរយៈពេលចុងក្រោយនេះប្រជាពលរដ្ឋខ្មែរនៅទូទាំងប្រទេសហាក់ដូចជាអស់ជំនឿលើគណបក្សប្រជាជនរួចទៅហើយ។ ដោយព្រួយបារម្ភចំពោះប្រជាប្រិយភាពរបស់លោក សម រង្ស៊ី ទើបគណបក្សកាន់អំណាចប្រើមធ្យោបាយមិនសុចរិតរារាំងមិនឱ្យលោក សម រង្ស៊ី អាចចូលរួមបោះឆ្នោត និងឈរឈ្មោះឱ្យគេបោះឆ្នោតនៅថ្ងៃទី២៨ ខែកក្កដា ឆ្នាំ២០១៣ ឆាប់ៗខាងមុខ។ ជាក់ស្តែង គ.ជ.ប ដែលមានលោក អុឹម សួស្តី និងជាប្រធាន និងលោក ទេព នីថា ជាអគ្គលេខាធិការបានសម្រេចលុបឈ្មោះលោក សម រង្ស៊ី ចេញពីបញ្ជីឈ្មោះអ្នកបោះឆ្នោត ដោយមិនខ្វល់ពីការរិះគន់អ្វីទាំងអស់ ដោយយកលេសថាលោក សម រង្ស៊ី គឺជាទណ្ឌិតមិនអាចចូលរួមបោះឆ្នោតបានឡើយ។ យុទ្ធសាស្ត្ររបស់លោកនាយករដ្ឋមន្ត្រី ហ៊ុន សែន បែបនេះហើយទើបលោក សម រង្ស៊ី ជាមេដឹកនាំគណបក្សជំទាស់ដ៏សំខាន់រិះគន់ថា លោក ហ៊ុន សែន ជាមនុស្សកំសាកញី មិនហ៊ានប្រកួតប្រជែងប្រកបដោយតម្លាភាពសម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៥ នៅចុងខែកក្កដាខាងមុខ។
ក្រុមមន្ត្រីអង្គការក្រៅរដ្ឋាភិបាលដែលឃ្លាំមើលការបោះឆ្នោតក្នុងប្រទេសកម្ពុជាបានកត់សម្គាល់ថាប៉ុន្មានខែកន្លងទៅនេះអង្គការសហប្រជាជាតិ សហរដ្ឋអាមេរិក សហភាពអឺរ៉ុប និងប្រទេសបារាំងជាដើម ចង់ឃើញការបោះឆ្នោតក្នុងប្រទេសកម្ពុជាប្រព្រឹត្តទៅដោយសេរី ត្រឹមត្រូវ និងយុត្តិធម៌ ស្របតាមគោលការណ៍ប្រជាធិបតេយ្យសេរីពហុបក្ស។ ជាក់ស្តែងក្នុងដំណើរទស្សនកិច្ចមកកាន់ប្រទេសកម្ពុជាកាលពីថ្ងៃទី១៩ ខែកុម្ភៈ ឆ្នាំ២០១៣ លោក ម៉ៃខល ផូសនើ ឧបការីរដ្ឋមន្ត្រីក្រសួងការបរទេសសហ រដ្ឋអាមេរិក បានជំរុញឱ្យរដ្ឋាភិបាលកម្ពុជាលើកលែងការចោទប្រកាន់លើ លោក សម រង្ស៊ី មេដឹកនាំបក្សប្រឆាំងដ៏សំខាន់ ដើម្បីឱ្យលោក សម រង្ស៊ីអាចចូលរួមពេញលេញក្នុងការបោះឆ្នោត។ ប៉ុន្តែរដ្ឋាភិបាលលោកហ៊ុនសែន បានច្រានចោលសំណើរបស់សហរដ្ឋអាមេរិក ដោយឆ្លើយតបថាកម្ពុជាមិន អាចធ្វើតាមសំណើរបស់សហរដ្ឋអាមេរិកបានទេ ព្រោះប្រទេសកម្ពុជាមានអធិបតេយ្យភាពជាតិ និងអនុវត្តន៍តាមច្បាប់របស់ខ្លួន។ ការបដិសេធទៅ នឹងសំណើរបស់សហរដ្ឋអាមេរិកត្រូវបានក្រុមអ្នកវិភាគស្ថានការណ៍សម្តែងនូវសេចក្តីព្រួយបារម្ភថា រដ្ឋាភិបាលលោក ហ៊ុន សែន កំពុងប្រឈមមុខជា មួយសហរដ្ឋអាមេរិក និងសហគមន៍អន្តរជាតិ ហើយថាលទ្ធិប្រជាធិបតេយ្យក្នុងប្រទេសកម្ពុជាកំពុងប្រឈមនឹងគ្រោះថ្នាក់យ៉ាងធ្ងន់ធ្ងរ។

Friday, March 22, 2013

កញ្ញា Peypey Ly ចេញមុខបកស្រាយ ថារូបថតអាក្រាតកាយនោះ ជារូបថតកាត់ត

កាលពីពេលថ្មីៗនេះ នៅក្នុងបណ្តាញសង្គមហ្វេសប៊ុក បានលេចរូបថតអាក្រាតកាយមួយ ដែលត្រូវគេបានស្គាល់ថាជាកញ្ញា "PeyPey Ly" ដែលជាអ្នកចូលចិត្ត និងតែងតែបង្ហោះវិដេអូបែបកំប្លែង នៅលើគណនីហ្វេសប៊ុករបស់នាង ធ្វើឲ្យមិត្តភក្តិរបស់នាងសប្បាយចិត្ត និងតាមដានមិនឲ្យដាច់នោះទេ។

ទោះបីជាយ៉ាងនេះក៏ដោយ បន្ទាប់ពីរូបថតនោះ បានលេចធ្លាយពាសពេញបណ្តាញសង្គមហ្វេសប៊ុក កញ្ញា PeyPey Ly ក៏បានចេញមុខ ដើម្បីបកស្រាយ ពីរូបថតមួយនេះផងដែរ ដោយនាងបាននិយាយ ទាំងក្តីឈឺចាប់ និងយំយែកយ៉ាងខ្លាំង ហើយបានបញ្ជាក់យ៉ាងច្បាស់ថា "រូបថតនេះគឺមិនមែនជារូបរបស់នាងទេ ការពិតគឺជារូបកាត់ត"។

យ៉ាងណាម៉ិញ រឿងមួយនេះគឺទាក់ទងដល់កេរ្ត៍ឈ្មោះ មិនអាចយកមកលេងសើចបាននោះទេ។ សូមបញ្ជាក់ផងដែរថា បន្ទាប់ពីកញ្ញា PeyPey Ly បានដឹងពីដំណឹងហួសចិត្តមួយនេះភា្លម នាងបានចេញមុខបកស្រាយភា្លម ដើម្បីកុំឲ្យមិត្តភក្តិរបស់នាងទាំងក្រៅ និងក្នុងហ្វេសប៊ុក មានការយល់ច្រឡំ ហើយនាងថែមទាំងបញ្ជាក់ហើយបញ្ជាក់ទៀតថា "រូបថតនេះគឺជារូបកាត់ត"៕

តើប្រិយមិត្តទាំងអស់គ្នាយល់យ៉ាងណាដែរ ចំពោះបញ្ហាមួយនេះ?

សូមទស្សនាវិដេអូទាំងអស់គ្នា៖

ដោយ ៖ ប៊ី

ខ្មែរឡូត

Thursday, March 21, 2013

អនិច្ចាសីលធម៌សង្គមខ្មែរ

ស្លាកសញ្ញាស្រាបៀរព្រោងព្រាត នៅតាមផ្លូវក្បែរវត្តឧណ្ណាលោម រាជធានីភ្នំពេញ។ រូបថត សុវណ្ណ ភីឡុង

សាសន៍ខ្មែរ ធ្លាប់តែមានឈ្មោះល្បីល្បាញថា ជាជាតិសាសន៍ ឬជាពូជពង្សមួយពោរពេញទៅដោយភាពទន់ភ្លន់ មានសុជីវធម៌ សីលធម៌ ជាមួយនឹងវប្បធម៌ដ៏សែនល្អផូរផង់ក្រៃលែង ដែលបានចាក់ឫសយ៉ាងជ្រៅក្នុងសន្តានចិត្តពូជអម្បូរខ្មែរ ចាប់តាំងពីសម័យមហានគរនិងរកប្រទេសឯណាមកប្រៀបធៀបពុំស្មើឡើយ។ ប៉ុន្តែជាតិខ្មែរសែនអភ័ព្វពន់ពេក និងជាការអាម៉ាស់មួយយ៉ាងធំចំពោះមុខប្រទេសជិតខាងនាពេលបច្ចុប្បន្ន ដែលសីលធម៌នៃសង្គមរបស់ខ្លួន ក្នុងនាមជាប្រទេសកាន់ព្រះពុទ្ធសាសនាត្រូវធ្លាក់ក្នុងស្ថានភាពថមថយបន្តិចម្តងៗដ៏គួរឲ្យបារម្ភ ជាពិសេសសីលធម៌នៃសង្គមគ្រួសារខ្មែរដែលកំពុងរស់នៅតាមទីជនបទនានានៃប្រទេសកម្ពុជា។

ការព្រួយបារម្ភទាំងនោះរួមមានៈ អំពើហិង្សាក្នុងគ្រួសារវាយកាប់ចាក់សម្លាប់គ្នា សកម្មភាពវាយទាត់ធាក់របស់ក្មេងទំនើងក្នុងភូមិ អំពើរំលោភផ្លូវភេទរបស់ជីតាទៅលើចៅស្រី ឬឪពុកទៅលើកុមារជាកូនឬកូនចុង ការរំលោភផ្លូវភេទលើអនីតិជន ការជេរប្រទេចផ្តាសាប្រពន្ធ ប្តី ម៉ែ ឪក្មេក និងបងប្អូនកូនចៅក៏ដូចជាការរំលោភបំពានលើសិទ្ធិសេរីភាពជាមូលដ្ឋានក្នុងសង្គមគ្រួសារខ្មែរ ដែលមូលហេតុចម្បងនៃសកម្មភាពល្មើសទាំងនេះ បណ្តាលមកពីការសេពសុរា គ្រឿងញៀន ល្បែងស៊ីសង ការមើលភាពយន្តអាសអាភាស និងអវិជ្ជារួបរឹតងងឹតសូន្យឈឹង។

បើនិយាយពីវិស័យចរាចរណ៍នៅស្រុកខ្មែរវិញ កំពុងក្លាយជាបិសាចមួយដ៏សាហាវយង់ឃ្នងជាទីបំផុត ដែលបានឆក់យកអាយុជីវិតជនកម្ពុជា ជារៀងរាល់ថ្ងៃ យ៉ាងហោច៥នាក់ក្នុងមួយថ្ងៃ និងរងរបួសជាច្រើននាក់។ ក្នុងពេលប៉ះទង្គិចគ្នា ដោយសារការបើកបរតាមដងផ្លូវ មានការបង្កហិង្សាជាហូរហែ ហើយបើមិនបានប្រើហិង្សាទេ ក៏ប្រើពាក្យសម្តីអសុរោះតតាំងគ្នាទាមទារយកឈ្នះរៀងៗខ្លួន ដោយអ្នកបើកបរទាំងនោះ លែងមានការយោគយល់ និងអធ្យាស្រ័យគ្នាទៀតហើយ ភាគច្រើននៃគ្រោះថ្នាក់ចរាចរណ៍ នៅស្រុកខ្មែរ គឺអ្នកបើកបរ តែងតែព្យាយាមបើកគេចបាត់តែម្តង ដោយមិនបាននៅទទួលខុសត្រូវចំពោះ កំហុសឆ្គងនៃការប៉ះទង្គិចនោះឡើយ។

ចំណែកជនបង្កហិង្សាចរាចរណ៍ភាគច្រើនជាជនមានអំណាចអាងប្រាក់ និងមានបុណ្យស័ក្តិធំ (អ្នកធំ) ពិសេស គឺស្ថិតក្នុងជួរកងកម្លាំងប្រដាប់អាវុធ ដែលជាទូទៅ រហ័សទាំងដៃ រហ័សទាំងជើងហើយលទ្ធផលនៃហិង្សាទាំងនោះ គឺត្រូវបានបញ្ចប់គ្នាក្រៅប្រព័ន្ធច្បាប់តាមរយៈការសុំទោស និងចេញថ្លៃព្យាបាល ព្រមទាំងការសងជំងឺចិត្ដខ្លះៗដល់ជនរងគ្រោះ។

ចំណែកស្រាវិញ ខ្ញុំសង្កេតឃើញថា ប្រជាពលរដ្ឋនៅតាមគេហដ្ឋានទូទាំងប្រទេសកម្ពុជា ជាពិសេសក្រុមយុវវ័យ បាននិងកំពុងសេពគ្រឿងស្រវឹងយ៉ាងច្រើនសន្ធឹកសន្ធាប់បំផុត ស្ទើរតែរាល់ថ្ងៃ បើយ៉ាងហោច ក៏មួយដងទៅពីរដងដែរ ក្នុងមួយសប្តាហ៍។

ស្ទើរគ្រប់ទីកន្លែងទាំងអស់នៃប្រទេសកម្ពុជា មានការជួបជុំគ្នា ជាក្រុម និងផឹកស្រាសប្បាយក្អាកក្អាយ ដោយមិនមានខ្វល់ខ្វាយពីការខាតបង់ថវិកានោះឡើយ។ ស្រាបៀររាប់លានកេសត្រូវបានលក់ដាច់ក្នុងមួយខែៗ ដែលជាការចំណេញដ៏សម្បើម សម្រាប់ក្រុមហ៊ុនស្រាបៀរ នៅស្រុកខ្មែរ ស្របពេលដែលមានការប្រកួតប្រជែងនៅទូទាំងប្រទេសខាងពាណិជ្ជកម្ម អាជីវកម្ម ស្រា ដែលមានការផ្សព្វផ្សាយជាច្រើនអំពីវិសាលភាព នៃផលិតផលស្រារបស់ក្រុមហ៊ុននានា ដែលមានតម្លៃថោកនៅតាមកញ្ចក់ទូរទស្សន៍ វិទ្យុ ប៉ាណូពាណិជ្ជកម្មធំៗ ជាដើម។

ជាការគួរឲ្យអាម៉ាស់បំផុត ការផ្សព្វផ្សាយស្រាទាំងអស់នេះហាក់មានលក្ខណៈហួសពីការពិត ដែលយើងអាចនិយាយបានថា ជាការបោកប្រាស់ដោយប្រយោល និងជាការបំភ័ន្តភ្នែកអតិថិជនខ្មែរដែលជាអ្នកផឹក។ ក្រុមហ៊ុនស្រាទាំងនោះ បាននិងកំពុងព្យាយាមយកប្រព័ន្ធឃោសនា និងផ្សព្វផ្សាយជាតិក្នុងការប្រើយុទ្ធសាស្រ្តប្រកួតប្រជែងផ្នែកជំនួញប្រមឹក តាមរយៈការអូសទាញអតិថិជនឲ្យផឹកស្រាផ្សងសំណាង ដើម្បីឈ្នះរង្វាន់បន្តិចបន្តួចជាមាស ជាប្រាក់ និងជាសម្ភារប្រើប្រាស់។ល។

ការប្រកួតប្រជែងបែបនេះ ភាគច្រើន មិនបានធ្វើឡើងតាមរយៈការបង្កើនគុណភាពសុខភាពនោះទេ ប៉ុន្តែមានលក្ខណៈបំផុសបំផុលឲ្យពលរដ្ឋខ្មែរមួយនគរងប់នឹងស្រាទៅវិញដែលហាក់បង្ហាញថា ផឹកស្រាឲ្យបានច្រើនគ្រប់ៗគ្នា ទើបជាជ័យជម្នះ និងមោទនភាពសម្រាប់ជាតិ គឺមានន័យថា «ផឹកស្រាដើម្បីមោទនភាពជាតិខ្មែរ»។ ជំនួញប្រមឹកបែបបំភ័ន្តភ្នែកនេះ គឺជាសកម្មភាពជំនួញប្រាសចាកពីសីលធម៌សង្គម និងច្បាប់សង្គម និងជាការប្រមាថមើលងាយដល់អតិថិជនខ្មែរថាសុទ្ធសឹងជាជនឆោតល្ងង់។

ដំណោះស្រាយល្អចំពោះបញ្ហាខាងលើនេះ មានតែមួយគត់ គឺរដ្ឋាភិបាល ដែលមានក្រសួងព័ត៌មាន ក្រសួងពាណិជ្ជកម្ម និងក្រសួងពាក់ព័ន្ធដទៃទៀត និងសង្គមស៊ីវិលនានា ត្រូវផ្តោតការយកចិត្តទុកដាក់លើការអប់រំផ្សព្វផ្សាយតាមមូលដ្ឋាន អំពីសីលធម៌សង្គម តាមរយៈមាគ៌ាព្រះពុទ្ធសាសនា ដោយការប្រើប្រាស់មធ្យោបាយប្រព័ន្ធផ្សព្វផ្សាយដែលមានទូរទស្សន៍ វិទ្យុ ទស្សនាវដ្តី ឬយុទ្ធនាការ ចុះអប់រំជាក់ស្តែង ជាដើម ដើម្បីបានជ្រួតជ្រាបទូលំទូលាយ ដល់ពលរដ្ឋ ស្តីពីផលវិបាក និងទោសទណ្ឌនៃសកម្មភាពល្មើសសីលធម៌ និងល្មើសច្បាប់ទាំងនេះ។

ដើម្បីឈ្នះៗទាំងអស់គ្នា រដ្ឋាភិបាលមិនគួរយកចិត្តទុកដាក់តែទៅលើការផ្សព្វផ្សាយយុទ្ធសាស្រ្តឈ្នះៗមិនដែលចាញ់ ឬបង្ហាញតែពីមហាជោគជ័យរបស់ខ្លួនដែលមានជាធម្មតាសម្រាប់ការគ្រប់គ្រងប្រទេសនៅលើពិភពលោក លើវិស័យហេដ្ឋារចនាសម្ព័ន្ធ ការសាងសង់ស្ពានថ្នល់ សាលារៀន ការសម្ពោធដាក់ឲ្យប្រើប្រាស់ផ្លូវ ប្រឡាយទឹក ទីអារាម ឬបង្គន់អនាម័យ ជាដើមនោះទេ រដ្ឋាភិបាលគួរបង្វែរការចាប់អារម្មណ៍ទៅលើការអប់រំពលរដ្ឋរបស់ខ្លួនពីក្បួនខ្នាតរស់នៅប្រកបដោយជីវភាពថ្កុំថ្កើង តាមរយៈការបណ្តុះបណ្តាលលើវិស័យកសិកម្ម ឧស្សាហកម្ម និងក្បួនរស់នៅប្រកបដោយសីលធម៌ សុជីវធម៌ ជាជាងការលាតត្រដាងតែពីមហាជោគជ័យដដែលៗ របស់បក្សនៅគ្រប់ច្រកល្ហក ស្របពេលដែលរាស្រ្តនៅតាមជនបទ កំពុងរស់ត្រដាបត្រដួសស៊ីអត់ស៊ីឃ្លានកាប់សម្លាប់គ្នា មិនស្គាល់ប្តី ប្រពន្ធ កូន ចៅ បង ប្អូន ម៉ែ ឪ បែបនេះនោះ។

*** សំរាប់វិស័យអប់រំ ខ្ញុំបានលឺថា មាននិស្សិតខ្មែរប្រលងជាប់ លេខ ២ នៅប្រទេសអូស្រា្តលីបានទទួលប្រាក់រង្វាន់ ២៥០ ដុល្លាពីសម្តេច តម្លៃនេះវាសមស្របនឹង ការជំនួសមុខឲ្យប្រទេសកម្ពុជាមួយទាំងមូលទេ ដែលខ្មែរឥឡូវមានមុខនៅក្នុងពិភពលោក?***

ខាងក្រោមនេះ គឺជាចំណងជើងមានលើទំព័រសារព័ត៌មានសង្គម ដែលខ្ញុំបានដកស្រង់ក្នុងពីរសប្តាហ៍ នៃខែមីនានេះ៖

១.នាំគ្នាមកពីធ្វើបុណ្យស្រវឹងទាស់សម្ដីគ្នាវាយប្រពន្ធទាល់តែស្លាប់តាមផ្លូវ (ម្ដាយស្លាប់ឪពុកជាប់គុកកូននៅកំព្រា)។

២.ផឹកទឹកប្ដូរនិស្ស័យវាយម្ដាយក្មេកពេលប្រពន្ធចូលទៅឃាត់ចាក់មួយកាំបិតស្លាប់។

៣.ឪពុកចុងតាមរំលោភកូនស្រីអាយុ ១៣ ឆ្នាំលុះមរណាទោះម្ដាយនាងជម្លៀសទៅលាក់ផ្ទះលោកមេឃុំ។

៤.បុរសម្នាក់ស្រវឹងស្រាដុតផ្ទះបងថ្លៃឆេះម៉ដ្ឋ។

៥.ចាប់ផ្សឹកគ្រូសូត្រឆ្វេងវត្ដស្រែអម្ពិលព្រោះត្រូវអាបត្ដិសេពមេថុនជាមួយកម្មការិនីកាត់ដេរក្នុងកុដិ។

៦.តាចាស់អត់សីលធម៌ លួងនិងគំរាមក្មេងស្រីអាយុ៨ឆ្នាំរំលោភច្រើនដងចុងក្រោយជាប់ខ្នោះជាដើម។ល។

សូមជួយពិចារណា និងរួមចំណែកជាមួយគ្នា ក្នុងការអប់រំផ្សព្វផ្សាយ ដល់ពលរដ្ឋខ្មែរ ពីសីលធម៌សង្គមផង! ដោយ យស់ កាតង់

Saturday, March 16, 2013

Please stop drinking of Chang and Leo beer

ស្រាបៀរនេះធ្វើពី ឈាម និង ទឹកភ្នែករាស្រ្តខ្មែរនៅខេត្តព្រះសីហនុ។
ដូចនេះសូមបងប្អូនកុំពិសារស្រាបៀរនេះអោយសោះ, "បើអ្នកពិសារនោះបានន័យថា អ្នកចូលរួម ហុតឈាម និង ទឹកភ្នែករាស្រ្តខ្មែរហើយ"។
"ទីណាមានទុកខលំបាកទីនោះមានសម្តេច ហ៊ុន សែន"
"ទីណាមានបក្សពួកសម្តេចហ៊ុន សែនទីនោះមានទុក្ខលំបាក"
"បើគ្មានសម្តេចហ៊ុន សែន រាស្រ្តខ្មែរក៏គ្មានទុក្ខលំបាក និង ទឹកភ្នែកដែរ"

Friday, March 15, 2013

ខ្មែរត្រូវមានសង្ឃឹម

សូមបងប្អូនជនរួមជាតិទាំងអស់កុំទាន់អស់សង្ឃឹមរឿងទឹកដី
សូមបងប្អូនជនរួមជាតិទាំងអស់កុំទាន់អស់សង្ឃឹមរឿងទឹកដី

ទោះថ្នាក់ដឹកនាំយើង ហ៊ុន សែ(ម) មិនហ៊ានទាមទារទឹកដីកម្ពុជា ក្រោម ឬក៏កោះត្រល់មកវិញ
តែក្នុងនាមពួកខ្ញុំជាកូន ខ្មែរ ដាច់ខាតត្រូវតែយកទឹកដី ខ្មែរមក វិញព្រោះ ខ្មែរ មានសិទ្ធគ្រប់គ្រាន់ ដើម្បីទាមទាម ។ សង្ឃឹមថានឹងមានថ្នាកដឹកនាំ ថ្មី ចេញមុខទាមទារជូនកូន ខ្មែរ មកវីញណា (ឈឺចាប់ខ្លាំងណាស់ បាត់បង់ទឹកដី)

សូមបងប្អូនចុចស្តាប់ពត័មាន នៅខាមក្រោម ហើយជួយ shear ឲ្យកូនខ្មែរ បាន ឃើញ បានដឹង បានឮផង ។

Wednesday, March 13, 2013

Mother's love

ហេតុការណ៍មួយដែលគួរអោយរន្ធត់ចិត្តក្រៃលែង
ហើយកោតស្ញប់ស្ញែងដល់ស្រ្តីរូបនេះដែលលះជីវិត
ដើម្បីការពារជីវិតកូនគឺផ្ទះវីឡាមួយបានឆេះដោយ
ភ្លើងមិនមានច្រកចេញបានម្ដាយយកកូនចេញតាមបង្អូច
ដើម្បីកុំអោយភ្លើងឆេះកូនតែខ្លួនឯងស្លាប់បាត់ទៅហើយ
តែកាន់កូនជាប់នឹងដៃហើយមិនយូរប៉ុន្មានបុគ្គលិកអ្នករំលត់
ភ្លើងក៏បានមកដល់ហើយជួយសង្គ្រោះក្មេងនោះបាន នេះ
ហើយជាទឹកចិត្តម្ដាយដែលមានចំពោះកូន ។រឿងរ៉ាវនេះបាន
កើតឡើងក្នុងប្រទេសឥណ្ឌា

Like and share Popzone Asia
តើប្អូនៗគិតយ៉ាងម៉េចដែររឿងនេះ?

ដូច្នេះប្អូនត្រូវស្រលាញ់ពុកម្ដាយ ត្រូវចេះគោរពពួកគាត់។

Tuesday, March 12, 2013

នាយកុយ យាយណាង និងគ្រួសារជនរងគ្រោះ ដាក់ពាក្យបណ្តឹង

ពោធិ៍សាត់: នាយកុយតារាកំប្លែងជើងចាស់ និងលោកយាយសំណាង តារាចម្រៀងអាយ៉ៃ បានបង្ហូរទឹកភ្នែកយំបោកខ្លួនដូចអក នៅពេលដែលមកដល់កន្លែងកើតហេតុ នៅរសៀលថ្ងៃនេះ លើផ្លូវជាតិលេខ៤ត្រង់ចំណុចគីឡូម៉ែត្រលេខ២១១-២១២ ក្នុងភូមិពូធឿង ឃុំបិតត្រាំង ស្រុកព្រៃនប់ (កន្លែងកូនស្លាប់)។ ស្តាប់តាមការរៀបរាប់របស់ប៉ូលិសដែលប្រចាំការនៅទីនោះ ខណៈនោះនាយកុយ និងយាយសំណាង បានដុតធូបឧទិ្ទសហៅព្រលឹងកូនប្រុសរបស់គាត់ឲ្យវិលទៅផ្ទះវិញ។

ដោយឡែកគ្រួសារជនរងគ្រោះផ្សេងទៀត ដែលបានស្លាប់ជាមួយគ្នានោះក៏បានដុតធូបឧទ្ទិសហៅព្រលឹងកូនៗឲ្យ ទៅផ្ទះសម្បែងវិញដែរ នៅរសៀលថ្ងៃនេះ។

នាយកុយ និងយាយណាង ទៅដុតធូបនៅមុខឡាន Tundra ដើម្បីហៅព្រលឹងកូនឲ្យត្រឡប់ទៅផ្ទះវិញ

នៅឯការិយាល័យប៉ូលិសចរាចរណ៍ខេត្តព្រះសីហនុ នាយកុយ និងយាយណាង និងក្រុមគ្រួសារជនរងគ្រោះដែលបានស្លាប់ជាមួយគ្នាក្នុងឧប្បទ្ទវហេតុ គ្រោះថ្នាក់ចរាចរណ៍ ដែលបង្កឡើងដោយរថយន្តកុងតឺន័ររបស់ក្រុមហ៊ុន SK បើកបុករថយន្តតារាចម្រៀងខេមរៈ សិរីមន្ត បានអញ្ជើញចូលមកដាក់ពាក្យបណ្តឹងរួចរាល់ហើយ នៅរសៀលថ្ងៃទី១០ ខែមីនានេះ។ ប៉ុន្តែអ្វីដែលគួរឲ្យសោកសង្រេងកាន់តែខ្លាំងក្លានោះ គឺនាយកុយ យាយណាង និងគ្រួសារជនរងគ្រោះជាមួយគ្នានោះបានយករូបថតកូនប្រុសម្នាក់មួយៗមក ដុតធូបនៅចំពោះមុខរថយន្ត Tundra របស់ខេមរៈ សិរីមន្ត ដែលខ្ទេចខ្ទាំទៅហើយនោះដោយសម្រែកឧទ្ទិសហៅរកព្រលឹងកូនប្រុសឲ្យវិល ទៅផ្ទះវិញផងដែរ ដោយពួកគាត់យល់ថា ព្រលឹងរបស់កូនៗប្រុសរបស់ពួកគាត់នៅជាប់និងរថយន្តរងគ្រោះនេះ មិនទាន់ទៅណានោះទេ។

លោកព្រហ្ម ពៅ នាយការិយាល័យចរាចរណ៍ផ្លូវគោកខេត្តព្រះសីហនុ បានប្រាប់គេហទំព័រ CEN នៅល្ងាចថ្ងៃទី១០ ខែមីនានេះថា ក្រុមគ្រួសារជនរងគ្រោះ ដោយគ្រោះថ្នាក់ចរាចរណ៍ផ្ទួនៗគ្នាទាំងពីរករណី កាលពីព្រលប់ថ្ងៃទី៧ មីនា នឹងពាក់កណ្តាលអធ្រាត្រឆ្លងចូលថ្ងៃទី៨ មីនា នោះបានចូលខ្លួនមកដាក់ពាក្យបណ្តឹងជាបណ្តើរៗហើយ ក្នុងនោះមាន នាយកុយ យាយណាង គ្រួសារខេមរៈ សិរីមន្ត និងគ្រួសារជនរងគ្រោះជាមួយគ្នាផ្សេងទៀតផងដែរ។

លោកព្រហ្ម ពៅ បានអះអាងថា លោកនិងជម្រុញកិច្ចការកសាងសំណុំរឿងដ៏សោកសង្រេងនេះទៅសាលាដំបូង ខេត្តយ៉ាងលឿនបំផុត ខណៈដែលគ្រួសារជនរងគ្រោះទាំងអស់បានមកដាក់ពាក្យបណ្តឹងគ្រប់គ្រាន់ ដោយឡែកវត្ថុតាងបានប្រមែប្រមូលមកគ្រប់ចំនួនអស់ហើយ។

នាយកុយ និងយាយណាង ដាក់ពាក្យបណ្តឹងនៅការិយាល័យប៉ូលិសចរាចរណ៍ខេត្តព្រះសីហនុ នារសៀលថ្ងៃទី១០ ខែមីនានេះ

ជាមួយហេតុការណ៍ដ៏សោកសៅនេះស្នូរសម្លេងព្រះធម៌ និងដំណើរព្យុះហយាត្រារបស់ព្រះសង្ឃមួយរយដប់អង្គ រួមនិងក្រុមគ្រួសារតារាៗរងគ្រោះដោយឧប្បទ្ទវហេតុគ្រោះថ្នាក់ចរាចរណ៍ នៅតាមដងវិថី ដ៏វែងឆ្ងាយក្នុងក្រុងព្រះសីហនុនិងបន្តឆ្ពោះទៅកាន់ទីកន្លែងកើតហេតុ បណ្តោយផ្លូវជាតិលេខ៤ ត្រង់ចំណុចចន្លោះគីឡូម៉ែត្រលេខ២១១-២១២បានចាប់ផ្តើមឡើងនៅវេលាម៉ោង១៤ និង៣០នាទីរសៀលថ្ងៃទី១០ ខែមីនា ឆ្នាំ២០១៣ ។ព្រឹត្តិការណ៍ដ៏កម្រនេះបានធ្វើឲ្យប្រជាពលរដ្ឋក្នុងខេត្តព្រះសីហនុ ភ្ញៀវជាតិ និងអន្តរជាតិ មានការកោតសសើរយ៉ាងខ្លាំង។

សូមបញ្ជាក់ថា គំនិតផ្តួចផ្តើមដឹកនាំព្រះសង្ឃ ចំនួន១១០របស់លោកខ័ណ្ឌ ច័ន្ទសុផល ប្រធានព័ត៌មានជាតិដោយសេរីនិងប្រតិកម្មរហ័សលើបណ្តាញក្នុងសង្គម (Facebook) ដោយសហការជាមួយព្រះសង្ឃក្នុងខេត្តព្រះសីហនុ ដឹកនាំដោយ ព្រះមេគណ គៀត ច័ន្ទធុច បានដំណើរការប្រកបដោយជោគជ័យ នៅរសៀលថ្ងៃទី១០ ខែមីនា ឆ្នាំ២០១៣ នេះដោយចាប់ផ្តើមដើរថ្មើជើង និងសូត្រធម៌បណ្តេញខ្មោចចង្រៃតាមដងវិថីអូរឈើទាល កាត់ទីក្រុងព្រះសីហនុ សំដៅមកវិមានឯករាជ្យ និងបន្តជិះរថយន្តសំដៅទៅកន្លែងកើតហេតុ ក្នុងឃុំបិតត្រាំង ស្រុកព្រៃនប់ (ទីតាំងលោកខេមរៈ សិរីមន្តគ្រោះថ្នាក់) និងបញ្ចប់នៅល្ងាចថ្ងៃដដែលនោះដែរ។

សូមរម្លឹកថា តារាចម្រៀង ខេមរៈ សិរីមន្ត និងមិត្តភក្តិមានគ្នា៨នាក់ (ក្មេងម្នាក់) បានធ្វើដំណើរតាមរថយន្តម៉ាក Tundra ពណ៌សមួយគ្រឿង ពីភ្នំពេញមកក្រុងព្រះសីហនុ ក្នុងគោលបំណងចូលរួមច្រៀងរាំក្នុងការប្រគំតន្ត្រីមួយនៅក្លឹប កំសាន្ត អិលវី ក៏ជួបគ្រោះថ្នាក់ចរាចរណ៍ដ៏រន្ធត់មួយនៅលើផ្លូវជាតិលេខ៤ ត្រង់ចំណុចគីឡូម៉ែត្រលេខ២១១-២១២ ក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ដែលបង្កឡើងដោយរថយន្តកុងតឺន័រក្រុមហ៊ុន SK បានបើកបុកយ៉ាងពេញទំហឹង (បញ្ច្រាសទិសគ្នា) បណ្តាលឲ្យមិត្តភក្តិប្រុសៗរបស់តារាចម្រៀង ខេមរៈ សិរីមន្ត ស្លាប់អស់៤នាក់ នៅនិងកន្លែង កាលពីវេលាម៉ោង២០និង៥០នាទីយប់ថ្ងៃទី៧ ខែមិនា ឆ្នាំ២០១៣នេះ។ ក្នុងឧប្បទ្ទវហេតុនោះ ពេលសមត្ថកិច្ចជំនាញចរាចរណ៍កំពុងការពារកន្លែងកើតហេតុនោះស្រាប់តែមាន រថយន្តដឹកស្រាបៀអង្គរមួយគ្រឿងផ្សេងទៀត បានបើកចុះចំណោតមកបុករថយន្តស្ទូច, រថយន្តប៉ូលិស, រថយន្តបុក្គលិកក្រុមហ៊ុន កាំមីនកូ និងរថយន្តពេទ្យ បណ្តាលឲ្យមានមនុស្សស្លាប់ចំនួន៣នាក់របួស៣នាក់បន្ថែមទៀតផងដែរ៕

ប្រភព CEN

Monday, March 11, 2013

សិស្សពេទ្យក្រមុំយំស្រណោះខ្លួនក្រ

នាងក្រមុំរស់ សាវ៉ឺន អាយុ២០ឆ្នាំ រស់នៅភូមិ វត្តរកា សង្កាត់អូរម៉ាល់ ក្រុងបាត់ដំបង ខេត្តបាត់ដំបង ជាកូនទោល មានឪពុកឈ្មោះវ៉ាន រស់ អាយុ៥៧ឆ្នាំ ម្តាយឈ្មោះរួម ដារី អាយុ៥២ឆ្នាំ ប៉ុន្តែ តាំងពីកើត មក នាងមិនដែលស្គាល់មុខឪពុកទេ ព្រោះគាត់បោះបង់ម្តាយនាង តាំងពីនាងនៅក្នុងពោះម្តាយ៨ខែ ម៉្លេះ។ នាងធំដឹងក្តីពេលណា ឮតែទំនួញម្តាយកម្សត់ និងជីដូន ដែលរស់ក្នុងភាពក្រីក្រ រកស៊ីដាំបន្លែលក់ ដើរស៊ីឈ្នួលគេ ដើម្បីរស់។ ទោះជាម្តាយក្រខ្សត់ យ៉ាងណា ក៏គាត់នៅតែជំរុញនាងឱ្យបានចូលសាលារៀន មិនទុកឱ្យកូនល្ងង់ខ្លៅនោះឡើយ។ ទន្ទឹមនោះ ពេលនាងមានអាយុ៧ឆ្នាំ ក្រៅពីពេលសិក្សា នាងតែងឆ្លៀតជួយរកស៊ីម្តាយ លើមុខរបរដាំបន្លែលក់។ នាងតែងក្រោកពីដំណេក ក្នុងខ្ទមរខេករខាក តាំងពីម៉ោង ៤ភ្លឺ រែកទឹកស្រោចស្ពៃ ត្រកួន ពី៣០ ទៅ៤០អំរែក បន្ទាប់មក ក៏ប្រញាប់ដាំបាយ វេចខ្ចប់យកទៅហូប នៅសាលា ដែលនៅឆ្ងាយពីផ្ទះ ហើយម្ហូបនោះមានតែអំបិលបុក ឬប្រហុក ជាប្រចាំ។ ពេលលក់ស្ពៃ ត្រកួន បាន នាងក៏យកទៅទិញប៊ិក សៀវភៅ និងសិក្ខូបករណ៍ផ្សេងៗទៀត ព្យាយាមរៀនសូត្រ រហូត ចប់ថ្នាក់ទី១២ (បាក់ឌុប) និងប្រលងជាប់អាហារូបករណ៍ ជាគិលានុបដ្ឋាយិកាកម្រិតបឋម។ ពេលនេះនាងគ្មានថវិការទិញសំលើកបំពាក់ពេទ្យដែលសាលាតម្រូវទេ រួមផ្សំនិងម្តាយនិង ជីដូនសុទ្ធតែជាមនុស្សឈឺធ្ងន់។

Friday, March 8, 2013

គ្រោះថ្នាក់របស់សិរីមន្ត

តារាចម្រៀងលោកខេមរៈ សិរីមន្តបានរងរបួស នៅក្នុងគ្រោះថ្នាក់ចរាចរណ៍មួយ ដែលបានសម្លាប់មនុស្ស បួននាក់ នៅលើផ្លូវកំពង់សោម កាលពីវេលាម៉ោង ប្រមាណ ជាង៩យប់ ថ្ងៃទី៧ ខែមីនា ឆ្នាំ២០១៣។

ប្រភពប៉ូលិសបាននិយាយថា គ្រោះថ្នាក់ចរាចរណ៍នេះបានកើតមានដោយសារការបុកគ្នាវវាងរថយន្តដែល មានប្រភេទ Tundra និងរថយន្តកុងតឺន័រ។

ប៉ូលិសបានបន្តថា មនុស្សចំនួនបួនអ្នកបានស្លាប់នៅក្នុងថ្លុកឈាម។ គ្រោះថ្នាក់ចរាចរណ៍នេះបានកើតមាននៅលើកំណាត់ផ្លូវជាតិលេខបួន ស្ថិតក្នុងភូមិភូធឿង ឃុំបិតត្រាំង ស្រុកព្រៃនប់។

អ្នកស្លាប់ទាំងបួននាក់ នោះមានអ្នកបើកឡានម្នាក់ និងអ្នករួមដំណើរបីនាក់ទៀត មានស្រីម្នាក់។ ចំណែកអ្នកទទួលរងរបួសធ្ងន់ ក៏ជាអ្នករាំដែរ។ ហើយរថយន្ត ដែលរងគ្រោះនេះជាកម្មសិទ្ធ របស់លោក ខេមរៈ សេរីមន្ត។

ក្នុងហេតុការណ៍នោះ គឺមានមានរថយន្ត Tundra ពណ៌ស ពាក់ស្លាកលេខភ្នំពេញ 2K 7997 ជិះដោយតារាចម្រៀងចំនួន៨នាក់ មានទិសដៅពីភ្នំពេញទៅក្រុងព្រះសីហនុ បុកជាមួយរថយន្តកុងតឺន័ររបស់ក្រុមហ៊ុន SK ពាក់ស្លាកលេខភ្នំពេញ 3A 9723 បណ្តាលឲ្យស្លាប់ចំនួន៤នាក់ ក្នុងនោះគេក៏មិនទាន់ស្គាល់អត្តសញ្ញាណច្បាស់លាស់ទេ។ រីឯតារាចម្រៀង ខេមរៈ សេរីមន្ត ត្រូវបានគេដឹកយកទៅសង្គ្រោះបន្ទាន់ នៅមន្ទីរពេទ្យខេត្តព្រះសីហនុ។ ហេតុការណ៍នេះបានកើតឡើងពេលមានភ្លៀងខ្លាំង។

ក្រុមសិល្បៈទាំងនោះមានគ្រោះថ្នាក់ចរាចរណ៍ នៅពេលពួកគេធ្វើដំណើរទៅសម្តែងក្រុងព្រះសីហនុ ដើម្បីអបអរថ្ងៃទី៨មីនា៕

Monday, March 4, 2013

មិនដឹង

ខ្លួនខុសហើយចង់callចូលប្ដឹងABCទៀត! វ៉ៃបងប៉ូលិសមុនហើយដល់ពេលcallចូលថាប៉ូលិសវ៉ៃមុនទៀត! នេះបងប៉ូលិសគាត់ទប់អារម្មណ៏បាន!បើគាត់ខឹងខ្លាំងវិញ ប្រហែលជាមាននាក់របួសដោយសារគ្រាប់កាំភ្លើងគាត់ជាមិនខានទេ!ពិតជាទំនើងមែន! អត្ថបទផ្ញើមក Khmer-note ដោយ MengSou Aroma

ចង់តាមដានលំអិតដល់ហើយបង ព្រោះកាត់អាប៉ូលីសវាយតបាត់ហើយ!!!

ជុំវិញហេតុការអកុសល

ម្តាយកុមារីរងគ្រោះ ទារសំណង ៤ម៉ឺនដុល្លារ ខណៈឪពុកនិស្សិតបង្កហេតុ អះអាងថា កូនស្រីមានបញ្ហាខួរក្បាល

អ្នកនិយាយាថាកូនអ្នកឆ្កួត? ចុះបើអ្នកជាគាត់តើអ្នកគិតយ៉ាងណា?

ភ្នំពេញៈ កញ្ញា គាម ពិសិដ្ឋម៉ានីតា និស្សិតឆ្នាំទី៦ នៅសាកលវិទ្យាល័យសុខាភិបាល ត្រូវបានចៅក្រមសាលា ដំបូងសាលាដំបូងរាជធានីភ្នំពេញ នៅល្ងាចថ្ងៃទី០៣ ខែមីនា ឆ្នាំ២០១៣ សម្រេចបញ្ជូនខ្លួនទៅពន្ធនាគារព្រៃស បន្ទាប់ពីការស៊ើបសួរពេញមួយថ្ងៃមកនោះ ពាក់ព័ន្ធការបង្កគ្រោះថ្នាក់ចរាចរផ្តាច់ជីវិតសិស្ស សាលាតូចៗ៣នាក់ និងរងរបួសធ្ងន់ស្រាលរហូតដល់៧នាក់ នៅមុខក្រសួងមហាផ្ទៃកាលពីល្ងាចថ្ងៃទី០១ ខែមីនា។
ការបញ្ជូនជនរងបង្កទៅពន្ធនាគារ បានធ្វើឡើងក្រោយពីកម្លាំងនគរបាល ចរាចរណ៍ជើងគោក បានបញ្ជូនជនបង្ករូបនេះ ទៅតុលាការកាលពីល្ងាចថ្ងៃទី០២ ខែមីនា ឆ្នាំ២០១៣។
យោងតាមដីការបង្គាប់របស់សាលាដំបូងរាជធានីភ្នំពេញ ចេញដោយលោកចៅក្រមស៊ើបសួរ អ៊ី ឋាវរៈ ដែលមជ្ឈ មណ្ឌលព័ត៌មានដើមអម្ពិលទទួលបាននៅថ្ងៃអាទិត្យ ទី០៣ ខែមីនា បានឲ្យដឹងថា កញ្ញា គាម ពិសិដ្ឋម៉ានីតា អាយុ ២៣ឆ្នាំ ជានិស្សិតពេទ្យឆ្នាំទី៦ នៃសាកលវិទ្យាសុខាភិបាល ត្រូវបញ្ជូនទៅឃុំខ្លួននៅមណ្ឌល «ម២» ក្រោមបទ ចោទបើកបរបង្កឲ្យមានរបួសអ្នកដទៃដោយអចេតនា និងបើកបរបង្កឲ្យស្លាប់អ្នកដទៃដោយអចេតនា តាមមាត្រា ៨០ និង៨២ នៃច្បាប់ស្តីពីចរាចរណ៍ផ្លូវគោក។
ក្នុងដីកានេះបានបញ្ជាក់ថា «ជននេះត្រូវដាក់ឲ្យនៅក្រោមការត្រួតពិនិត្យពីបទ បើកបរ បង្កឲ្យមានរបួសអ្នកដទៃ ដោយអចេតនា និងបើកបរបង្កឲ្យស្លាប់អ្នកដទៃដោយអចេតនា នៅលើមហាវិថីព្រះនរោត្តម កែងផ្លូវលេខ ៤៦២ សង្កាត់ទន្លេបាសាក់ ខណ្ឌចំការមន រាជធានីភ្នំពេញ បទល្មើសព្រហ្មទណ្ឌ ដែលមានចែងឲ្យផ្តន្ទាទោសតាម បញ្ញត្តិមាត្រា ៨០ និង៨២ នៃច្បាប់ស្តីពីចរាចរណ៍ផ្លូវគោក»។
ក្នុងដីកា ក៏បានបង្គាប់ឲ្យភ្នាក់ងារមានសមត្ថកិច្ច នៃកងកម្លាំងសាធារណៈ នាំខ្លួនជនត្រូវចោទ គាម ពិសិដ្ឋម៉ានីតា ទៅមណ្ឌលឃុំខ្លួន«ម២» ដោយអនុវត្តឲ្យបានត្រឹមត្រូវ។ ប្រធានពន្ធនាគារ ត្រូវឃុំខ្លួនជនបង្ក រហូតដល់មានបញ្ជា ថ្មី។
ពាក់ព័ន្ធនិងការករណីគ្រោះថ្នាក់ចរាចរនេះដែរ ម្តាយកុមារីរងគ្រោះ២នាក់បងប្អូន អ្នកស្រី ល័ក្ខ សុគន្ធារិន បាន ប្រាប់មជ្ឈមណ្ឌលព័ត៌មានដើមអម្ពិលតាមទូរស័ព្ទថា អ្នកស្រីទាមទារសំណងសម្រាប់កូនស្រីម្នាក់២ម៉ឺនដុល្លារ។ អ្នកស្រីក៏បានអំពាវនាវទាំងក្តីខ្សឹកខ្សួលថា សូមឲ្យមន្រ្តីតុលាការ និងសមត្ថកិច្ចពាក់ព័ន្ធទាំងអស់ ជួយរកយុត្តិធម៌ ជូនកូនស្រីរងគ្រោះទាំងពីរនាក់របស់គាត់ផងដែរ។
ពាក់ព័ន្ធនិងការទាមទារសំណងរហូតដល់២ម៉ឺនដុល្លាររបស់អាណាព្យាបាលកុមារីរងគ្រោះ មិនទាន់មានការបំភ្លឺ ពីអាណាព្យាបាលភាគីជនបង្ក និងមន្រ្តីតុលាការនោះទេ។
តែទោះជាយ៉ាង លោក គាម ពិសិដ្ឋ អនុប្រធានមន្ទីរពេទ្យខេត្តកណ្តាល ធ្លាប់បានអះអាងថា កូនស្រីរបស់ខ្លួន ដែលជាជនបង្ក កញ្ញា គាម ពិសិដ្ឋម៉ានីតា ធ្លាប់មានបញ្ហាដុះសាច់ក្នុងខួរក្បាល ហើយបានធូរស្រាលឡើងវិញ បន្ទាប់ពីទៅពិនិត្យ និងព្យាបាលនៅឯមន្ទីរពេទ្យក្នុងប្រទេសថៃ ព្រមទាំងបានលេបថ្នាំជាប្រចាំផងដែរ។ លោកបាន បន្តថា ជំងឺនេះ បានរើឡើងវិញ បន្ទាប់ពីរូបនាងខិតខំរៀនពេលប្រលង ជាពិសេសថ្ងៃកើតហេតុនោះ គឺជាពេល ដែលរូបនាងចេញប្រលងនៅសាលា។
ក្នុងន័យនេះ លោក គាម ពិសិដ្ឋ ចង់បញ្ញាក់ថា គ្រោះថ្នាក់នេះ វាជារឿងអចេតនា ហើយកូនស្រីរបស់លោកមាន បញ្ហាសតិអារម្មណ៍ ព្រោះតែជំងឺដុះសាច់ក្នុងខួរក្បាលរបស់នាង។
លោក គាម ពិសិដ្ឋ ក៏បានសម្តែងនូវអារម្មណ៍សោកស្តាយចំពោះគ្រោះដ៏អកុសល ហើយលោកក៏បានចូលរួម រំលែកទុក្ខ អុជធូបខមាទោសនៅចំពោះមុខសពកុមារីរងគ្រោះទាំងពីរ និងចូលបុណ្យចំនួន ៥រយដុល្លារ ហើយ កុមារា ស្រេង ប៊ុនហុង ចំនួន៣រយដុល្លារផងដែរ។
តែទោះបីជាយ៉ាងណាសំណុំរឿងនេះ មានតែមន្រ្តីតុលាការជំនាញតែមួយគត់ ដែលនឹងត្រូវធ្វើការសម្រេចយ៉ាង ណានោះ។
សូមបញ្ជាក់ថា កញ្ញា គាម ពិសិដ្ឋម៉ានីតា អាយុ ២៣ឆ្នាំ ជានិស្សិតពេទ្យឆ្នាំទី៦ នៃសាកលវិទ្យាល័យសុខាភិបាល បានបង្កគ្រោះថ្នាក់ចរាចរដ៏សែនកុសលមួយកាលពីល្ងាចថ្ងៃទី០១ ខែមីនា ឆ្នាំ២០១៣ នៅមុខក្រសួងមហាផ្ទៃ ក្នុងសង្កាត់ទន្លេបាសាក់ ខណ្ឌចំការមន ដោយបើករថយន្តកាមរីបាឡែនដឹកប្អូនប្រុសចេញពីសាលា បុកម៉ូតូ បុក កង់ ជាបន្តបន្ទាប់ បណ្តាលឲ្យកុមារាម្នាក់ និងកុមារី២នាក់ស្លាប់បាត់បង់ជីវិត ខណៈជិះកង់ឌុបគ្នាចេញពីរៀន ហើយអ្នកដំណើរប្រុស-ស្រី៧នាក់ ផ្សេងទៀតរងរបួសធ្ងន់ និងស្រាលផងដែរ៕

ព្រះសង្ឃ ១០០អង្គ និមន្តមកពីបណ្តាវត្តនានា ក្នុងរាជធានីភ្នំពេញ បាននិមន្តសូត្រមន្ត រំដោះគ្រោះចង្រៃ នៅតាមបណ្តោយ មហាវិថីព្រះនរោត្តម ចាប់ពី វិមានឯករាជ្យ រហូតដល់ ស្ពានអាកាសក្បាលថ្នល់ ព្រមទាំងកន្លែង ដែលជួបគ្រោះថ្នាក់ចរាចរណ៍ ដ៏អកុសលសម្លាប់កុមារា កុមារី ៣នាក់ នៅមុខក្រសួងមហាផ្ទៃ ។