ថតបញ្ចេញដើមទ្រូងបង្ហោះលើ FB និងភាពក្រឡាប់ចក្រខ្មែរ
ជាក់ស្ដែងយុវជន កែវ គឹមសួរ និស្សិតឆ្នាំទី១ ជំនាញអក្សរសាស្ត្រ អង់គ្លេស នៅ សាកលវិទ្យាល័យបញ្ញាសាស្ត្រ បានឲ្យដឹងថា៖ “ជាធម្មតាមនុស្សស្រីតែងតែចង់ឲ្យមនុស្សឃើញច្រើន សរសើរច្រើន និងចាប់អារម្មណ៍ច្រើន ប៉ុន្តែខ្ញុំជឿថា មនុស្សមានចិត្តផ្សេងៗ គ្នា អាចមានអ្នកខ្លះប្រើប្រាស់ក្នុងទិសដៅផ្សេងៗក៏អាចថាបានដែរ”។
យុវជន តារា សិស្សថ្នាក់ទី១២ នៅវិទ្យាល័យវត្តភ្នំ បានឲ្យដឹងដែរថា ៖”ចំពោះការថតរូបបែបនេះ នារីគាត់ចង់បានការចាប់អារម្មណ៍ច្រើនពីអ្នកលេងហ្វេសបុកដូចគ្នា ចង់ឲ្យមានការ like គាំទ្រច្រើន ម្យ៉ាងវិញទៀតបុរសៗ ចូលចិត្តមើលរូបបែបនេះ ទើបគេបង្ហោះ”។
ជាមួយគ្នានេះដែរ យុវជន ប៉ែន ឬទ្ធី និស្សិតឆ្នាំទី១ នៅសាកលវិទ្យាល័យជាតិគ្រប់គ្រង បានឲ្យដឹងថា៖ “ប្រហែលជានារីៗខ្លះគាត់មិនបានចាប់អារម្មណ៍នឹងសំលៀកបំពាក់បញ្ចេញសាច់ខ្លាំង ដូច្នេះហើយ ទើបធ្វើឲ្យឃើញច្បាស់មកក្រៅ ប៉ុន្តែក៏មានអ្នកចង់បញ្ចេញដើម្បីឲ្យគេក្រឺតដែរ”។
ដោយឡែក កញ្ញា ស្រីពៅ និស្សិតជំនាញសង្គមវិទ្យា នៅសាកលវិទ្យាល័យភូមិន្ទភ្នំពេញ បានលើកឡើងថា ៖”ការបង្ហោះរូបភាពទាំងនេះនៅក្នុងFB ជារឿងមិនល្អទាល់តែសោះចំពោះនារីខ្មែរបង។ អ្នកទាំងនេះ បានភ្លេចប្រពៃណីដ៏ល្អផូរផង់ទៅហើយ គេគិតថា ជារឿងសាមញ្ញ បង្ហោះលេង ដើម្បីឲ្យគេសរសើរថា ស្អាត និងសិចស៊ី តែពួកគេមិនដឹងថា សកម្មភាពបែបនេះកំពុងដុតរោលតម្លៃស្រីខ្មែរនោះទេបង! ខ្ញុំវិញ កុំថាឡើយថតបង្ហោះ សូម្បីពាក់នៅផ្ទះ ក៏មិនហ៊ានផង។ ខ្ញុំសូមឲ្យមិត្តៗ ស្រីៗ មេត្តាកុំធ្វើបែបនេះ”។
ពីសប្បាយ។
.jpg)
