នារីវ័យក្មេងធ្វើអត្តឃាតផ្សាយតាមហ្វេសប៊ុករួចផុតពីស្លាប់
គួររំលឹកថា តាមសំឡេងត្អួញត្អែររបស់នាងខូចចិត្តដែលមានអាខោន CJ Seven Kaka lonely និយាយតាមហ្វេសប៊ុកថា បងគីម សុខបញ្ញា !... បងនៅឯណា? បងមានដឹងថា ខ្ញុំខូចចិត្តប៉ុនណាទេ? បន្តិចទៀតអូននឹងស្លាប់ទុកឱ្យបងជួបអ្នកថ្មីហើយ? មនុស្សជាច្រើនដែលបានដឹងព័ត៌មានរន្ធត់នេះ តាមរយៈបណ្តាញហ្វេសប៊ុក សុទ្ធតែក្តុកក្តួលចិត្តអាណិតនាង ហើយគិតថា នៅពេលដែលលោកគីម សុខបញ្ញា ធ្វើដំណើរទៅដល់បន្ទប់របស់ប្រពន្ធលោក (អាចជាប្តី-ប្រពន្ធមិនទាន់រៀបការ) គឺអ្វីៗវាហួសពេលទៅហើយ ព្រោះលោកនឹងបានឃើញសពប្រពន្ធដ៏ក្មេងខ្ចីរបស់លោកដេកស្លាប់ ដោយអារ.កដៃសម្រក់ឈាម និងលេបថ្នាំជាពុំខាន... ប៉ុន្តែទោះជាយ៉ាងណា យើងសូមបន់ស្រន់ឱ្យមានការសង្គ្រោះនាងទាន់ពេលវេលាផង ។
សូមបញ្ជាក់ថា នារីវ័យក្មេងស្រស់ស្អាតម្នាក់នេះត្រូវបាននាងអះអាងថា (តាមសំឡេង និងរូបភាពវីដេអូ) មានប្តី និងកូន ប៉ុន្តែជួបភាពរកាំរកូសជាមួយប្តី ហើយប្រហែលជាត្រូវប្តីក្បត់ចិត្ត និងធ្វើបាបផ្លូវចិត្តខ្លាំងពេកហើយមើលទៅ ទើបបានជានាងចាក់សោបន្ទប់សម្រេចចិត្តអារ.កដៃសម្រក់ឈាម និងលេបថ្នាំជាច្រើនគ្រាប់ជាមួយស្រាបៀរអង្គរ ដើម្បីសម្លាប់ខ្លួននៅក្នុងបន្ទប់នៃផ្ទះរបស់នាងជាន់ទី២។ ព័ត៌មាននារីវ័យក្មេងធ្វើសកម្មភាពសម្លាប់ខ្លួននេះត្រូវបានផ្សាយ (បង្ហោះ) តាមបណ្តាញហ្វេសប៊ុក និងបង្កការភ្ញាក់ផ្អើលកាលពីវេលាម៉ោង៤និង១៥នាទីរសៀលថ្ងៃទី១៩ ឧសភា ២០១៣ ពេលនោះមនុស្សដែលលេងហ្វេសប៊ុកភាគច្រើនមិនស្គាល់នាងទេ ប៉ុន្តែបានឃើញរូបភាពខ្សែអាត់វីដេអូ (ឡេបថបរបស់នាងមានប្រព័ន្ធ Webcom) បង្ហាញពីការសោកសៅ យំយេកជ្រែកភក្ត្រា ប្រាប់អស់វាលវដ្តសង្សារពីទំហំទុក្ខ ជាពិសេសរ៉ាយរ៉ាប់ប្រាប់ដល់ប្តីរបស់នាងឈ្មោះគីម សុខបញ្ញា (បើតាមសំឡេង និងរូបភាព) ថាអូន ស្រឡាញ់បងលើសអ្វីៗទាំងអស់ សូម្បីតែជីវិតខ្លួន ប្រសិនបើរូបបងមិនយល់ចិត្តអូន...។
មិនទាន់ដឹងថា តើនេះជាការពិត ឬនាងម្នាក់នេះសម្តែងជារូបភាពលេងសើច ឬយ៉ាងណានោះទេ? ប៉ុន្តែបើតាមភាពខ្សឹកខ្សួល អួលអាក់ ស្នាមអារ.កដៃ និងលេបថ្នាំដែលយើងមើលឃើញតាមរយៈវីដេអូរបស់នាងផ្សាយផ្ទាល់ទៅក្នុង បណ្តាញហ្វេសប៊ុកតាមប្រព័ន្ធ Webcom របស់ឡេបថបនាងនោះ គឺអាចថា នាងពិតជាសម្លាប់ខ្លួនមែន... ប៉ុន្តែត្រង់ថា នាងឈ្មោះអ្វី ស្នាក់នៅម្តុំណា ក៏មិនទាន់ដឹងដែរ... ដូច្នេះមានតែរង់ចាំស្រាវជ្រាវតទៅទៀតប៉ុណ្ណោះ ៕
លិខិតមួយជូននាង
