លោក ហ៊ុន សែន ប្រកាសកុំឲ្យអ្នកលេងហ្វេសប៊ុក បោះឆ្នោតជូនគណបក្សប្រឆាំង
លោកនាយករដ្ឋមន្ត្រី ហ៊ុន សែន នៅថ្ងៃពុធនេះ
ប្រកាសឲ្យអ្នកលេងហ្វេសប៊ុក (Facebook)
កុំបោះឆ្នោតឲ្យគណបក្សប្រឆាំង ជាពិសេសបុគ្គល
ដែលជាប្រធានគណបក្សសង្គ្រោះជាតិ លោក សម រង្ស៊ី។
នាយករដ្ឋមន្ត្រី ថ្លែងបែបនេះ ស្របពេលដែលលោក បានប្រតិកម្មទៅនឹងការលើកឡើងរបស់គណបក្សប្រឆាំង ដែលនិយាយពីចំនួនអ្នកគាំទ្រ លោក សម រង្ស៊ី មានច្រើនជាងរូបលោក។
ក្នុងពិធីសម្ពោធអគារសិក្សាក្នុងស្រុកអង្គស្នួល ខេត្តកណ្តាល លោកនាយករដ្ឋមន្ត្រី មានប្រសាសន៍ថា ខុទ្ទកាល័យរបស់លោកថា លោកមិនមាន Account ហ្វេសប៊ុក។ លោកបន្តថា ពេលទំនេររបស់លោក គឺសម្រាប់ការមើលសៀវភៅ ពិនិត្យឯកសារ និងលេងអុក មិនមែនសម្រាប់ហ្វេសប៊ុក ដូចលោក សម រង្ស៊ី ទេ ៖ "អាបណ្ដាញទំ នាក់ទំនងសង្គមដែលគេហៅថា ហ្វេសប៊ុក ថាគេបានឈ្នះ ហ៊ុន សែន ហើយ ដំបូងខ្ញុំ ករុណាខ្ញុំលឺថាឥឡូវជិតឈ្នះហើយ នៅត្រឹមពីរថ្ងៃទៀតឈ្នះហើយ ហ្វេសប៊ុករបស់គេ និងហ្វេសប៊ុករបស់ ហ៊ុន សែន ឥឡូវហ្វេសប៊ុករបស់គេមានអ្នកគាំទ្រច្រើនជាងហ្វេសប៊ុករបស់ ហ៊ុន សែន ឱព្រះហើយព្រះ រត់ប្រណាំងម្នាក់ឯងស្រែកជយោទៅរួច ខ្ញុំព្រះករុណាខ្ញុំអត់មាន ហ្វេសប៊ុក អីបន្ដិច មិនដឹងកូនក្មួយណា អ្នកបង្កើតហ្វេសប៊ុកឲ្យខ្ញុំ ករុណាខ្ញុំហ្នឹង ហើយមិនមែនតែមួយទៀត លឺថាច្រើនណាស់ ហ្វេសប៊ុក ហ៊ុន សែន ប៉ុន្ដែមិននឹកស្មានថាមនុស្សនេះ បែជាយកខ្ញុំព្រះករុណាខ្ញុំ ទៅប្រណាំងទាំងខ្ញុំព្រះករុណាខ្ញុំ អត់ដឹងអីផង អញ្ចឹងបានសេចក្ដីថាគាត់រត់លានអណ្ដាតម្នាក់ឯង រួចហើយជយោអញឈ្នះហើយ ក្នុងពេលខ្ញុំព្រះករុណាខ្ញុំ កំពុងដេក ឫលេងអុកជាមួយអាត្រីប្រា" ។
ស្ដាប់សំឡេង៖
លោកនាយករដ្ឋមន្ត្រី បន្តអំពាវនាវឲ្យប្រជាពលរដ្ឋកុំឲ្យបោះឆ្នោតឲ្យគណបក្សប្រឆាំង ដោយសារគណបក្សប្រឆាំង បានប្រកាសថាខ្លួន មិនទទួលយកលទ្ធផលការបោះឆ្នោត។
កាលពីថ្ងៃទី១៣ខែមិថុនា មេដឹកនាំគណបក្សប្រឆាំង លោក សម រង្ស៊ី ប្រកាសថា លោកទទួលបានអ្នកគាំទ្រ នៅលើគេហទំព័រហ្វេសប៊ុករបស់លោកច្រើនជាង អ្នកគាំទ្រ លោក ហ៊ុន សែន សម្រាប់ជាបេក្ខភាពជានាយករដ្ឋមន្ត្រីដូចគ្នា។
ការប្រកាសបែបនេះ ផ្អែកលើលទ្ធផលនៃការស្ទង់មតិ ដោយការចុច Like ឬចូលចិត្ត ទៅលើគេហទំព័រហ្វេសប៊ុក បេក្ខជននាយករដ្ឋមន្ត្រីទាំងពីរ ដោយគិតមកទល់ថ្ងៃទី១២ ខែមិថុនា ឆ្នាំ២០១៣ វេលាម៉ោង៧ និង ៩នាទី។ លោក សម រង្ស៊ី បង្ហាញថា លោកទទួលបានអ្នកគាំទ្រ ៦៧,៥៩៥នាក់ គឺច្រើនជាង ចំនួន៣៤នាក់ នៃអ្នកគាំទ្រលោកនាយករដ្ឋមន្ត្រី ហ៊ុន សែន ដែលមានអ្នកគាំទ្រ ៦៧,៥៦១នាក់នោះ។
មួយថ្ងៃមុនការប្រកាសឈ្នះនេះ លោក សម រង្ស៊ី ក៏បានអំពាវនាវឲ្យមានអ្នកគាំទ្រជួយចុច like លើហ្វេសប៊ុករបស់លោកឲ្យបាន១ពាន់នាក់ទៀត ដើម្បីឈ្នះ លោក ហ៊ុន សែន ខណៈលោកនៅថ្ងៃទី១១ មិថុនា ២០១៣ នៅម៉ោង ១៥:៣៥ លោក ហ៊ុន សែន បានទទួល អ្នកគាំទ្រ ៦៧,៤៨៩ "LIKE" ហើយ សម រង្ស៊ី បានទទួល ៦៣,៩០៤ "LIKE" ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា អ្នកលេងហ្វេសប៊ុកនៅកម្ពុជា សុទ្ធតែជាអ្នកចេះដឹង ដែលនាំឲ្យពួកគេអាចដឹងពីបញ្ហាទាំងអស់នៅកម្ពុជា និងអ្វីដែលរដ្ឋាភិបាលកំពុងដើរផ្លូវខុស ៖ "ដែលលេងហ្វេសប៊ុក គឺជានិសិ្សត បញ្ញាវន្ដ ជាបងប្អូនយុវជនដែលគាត់យល់ដឹងអំពីបញ្ហាសង្គម ហើយគាត់ដឹងច្បាស់ណាស់ថា បើសិនទុកមេដឹកនាំបច្ចុប្បន្នឲ្យនៅកាន់អំណាចទៅទៀត គឺមិនអាចដោះស្រាយបញ្ហាជាតិសំខាន់ៗបានទេ ដូចជា បញ្ហាទឹកដី បញ្ហាជនអន្ដោប្រវេសន៍ខុសច្បាប់ដែលហូរចូលមកកម្ពុជា គ្មានទីបញ្ចប់ ប្រព្រឹត្ដអំពើពុករលួយ កាប់បំផ្លាញព្រៃឈើ បំផ្លាញធនធានធម្មជាតិ រឹបអូសដីធ្លីប្រជាពលរដ្ឋ ឲ្យប្រជាពលរដ្ឋត្រហូរយំ ស្ទើរតែរៀងរាល់ថ្ងៃ" ។
សម្រាប់ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា មេដឹកនាំមួយគួរតែមាន Account ហ្វេសប៊ុក ដើម្បីការឆ្លើយឆ្លងព័ត៌មានជាមួយប្រជាពលរដ្ឋ ៖ "តាមទូរទ ស្សន៍ សម្ដេច បាននិយាយច្រើន តែប្រជាពលរដ្ឋអត់មានឱកាស ក្នុងការឆ្លើយតបវិញទេ ប្រសិនបើតាមហ្វេសប៊ុក ប្រជាពលរដ្ឋអាចមានឱកាស ជាពិសេសក្មេងៗ ដូច្នេះជារឿងមួយ កន្លែងមួយល្អ ហើយខ្ញុំមើលទៅ លោកសម រង្ស៊ី ប្រៀបធៀបរឿងហ្វេសប៊ុកហ្នឹង ខ្ញុំមើលទៅដូចជាល្បែងកូនក្មេង ខ្ញុំថាមិនមានអីគួរឲ្យប្រៀបធៀបទេ ប៉ុន្ដែរឿងហ្វេសប៊ុកហ្នឹងវាល្អដែរ សម្រាប់ក្មេងៗជំនាន់ក្រោយ ហើយសម្រាប់អ្នកនយោបាយចូលរួមបាទ" ។
ទោះជាយ៉ាងណា លោកនាយករដ្ឋមន្ត្រី ហ៊ុន សែន បន្តលើកឡើងថា បើសិនជាលោកប្រើប្រាស់ Facebook វិញ លោកនឹងទទួលបានការគាំទ្រ ការចុចLike ច្រើនជាងលោក សម រង្ស៊ី ដូចដែលIRI បានប្រកាសពីលទ្ធផលនៃការស្ទង់មតិលើប្រជាប្រិយភាព៕
នាយករដ្ឋមន្ត្រី ថ្លែងបែបនេះ ស្របពេលដែលលោក បានប្រតិកម្មទៅនឹងការលើកឡើងរបស់គណបក្សប្រឆាំង ដែលនិយាយពីចំនួនអ្នកគាំទ្រ លោក សម រង្ស៊ី មានច្រើនជាងរូបលោក។
ក្នុងពិធីសម្ពោធអគារសិក្សាក្នុងស្រុកអង្គស្នួល ខេត្តកណ្តាល លោកនាយករដ្ឋមន្ត្រី មានប្រសាសន៍ថា ខុទ្ទកាល័យរបស់លោកថា លោកមិនមាន Account ហ្វេសប៊ុក។ លោកបន្តថា ពេលទំនេររបស់លោក គឺសម្រាប់ការមើលសៀវភៅ ពិនិត្យឯកសារ និងលេងអុក មិនមែនសម្រាប់ហ្វេសប៊ុក ដូចលោក សម រង្ស៊ី ទេ ៖ "អាបណ្ដាញទំ នាក់ទំនងសង្គមដែលគេហៅថា ហ្វេសប៊ុក ថាគេបានឈ្នះ ហ៊ុន សែន ហើយ ដំបូងខ្ញុំ ករុណាខ្ញុំលឺថាឥឡូវជិតឈ្នះហើយ នៅត្រឹមពីរថ្ងៃទៀតឈ្នះហើយ ហ្វេសប៊ុករបស់គេ និងហ្វេសប៊ុករបស់ ហ៊ុន សែន ឥឡូវហ្វេសប៊ុករបស់គេមានអ្នកគាំទ្រច្រើនជាងហ្វេសប៊ុករបស់ ហ៊ុន សែន ឱព្រះហើយព្រះ រត់ប្រណាំងម្នាក់ឯងស្រែកជយោទៅរួច ខ្ញុំព្រះករុណាខ្ញុំអត់មាន ហ្វេសប៊ុក អីបន្ដិច មិនដឹងកូនក្មួយណា អ្នកបង្កើតហ្វេសប៊ុកឲ្យខ្ញុំ ករុណាខ្ញុំហ្នឹង ហើយមិនមែនតែមួយទៀត លឺថាច្រើនណាស់ ហ្វេសប៊ុក ហ៊ុន សែន ប៉ុន្ដែមិននឹកស្មានថាមនុស្សនេះ បែជាយកខ្ញុំព្រះករុណាខ្ញុំ ទៅប្រណាំងទាំងខ្ញុំព្រះករុណាខ្ញុំ អត់ដឹងអីផង អញ្ចឹងបានសេចក្ដីថាគាត់រត់លានអណ្ដាតម្នាក់ឯង រួចហើយជយោអញឈ្នះហើយ ក្នុងពេលខ្ញុំព្រះករុណាខ្ញុំ កំពុងដេក ឫលេងអុកជាមួយអាត្រីប្រា" ។
ស្ដាប់សំឡេង៖
លោកនាយករដ្ឋមន្ត្រី បន្តអំពាវនាវឲ្យប្រជាពលរដ្ឋកុំឲ្យបោះឆ្នោតឲ្យគណបក្សប្រឆាំង ដោយសារគណបក្សប្រឆាំង បានប្រកាសថាខ្លួន មិនទទួលយកលទ្ធផលការបោះឆ្នោត។
កាលពីថ្ងៃទី១៣ខែមិថុនា មេដឹកនាំគណបក្សប្រឆាំង លោក សម រង្ស៊ី ប្រកាសថា លោកទទួលបានអ្នកគាំទ្រ នៅលើគេហទំព័រហ្វេសប៊ុករបស់លោកច្រើនជាង អ្នកគាំទ្រ លោក ហ៊ុន សែន សម្រាប់ជាបេក្ខភាពជានាយករដ្ឋមន្ត្រីដូចគ្នា។
ការប្រកាសបែបនេះ ផ្អែកលើលទ្ធផលនៃការស្ទង់មតិ ដោយការចុច Like ឬចូលចិត្ត ទៅលើគេហទំព័រហ្វេសប៊ុក បេក្ខជននាយករដ្ឋមន្ត្រីទាំងពីរ ដោយគិតមកទល់ថ្ងៃទី១២ ខែមិថុនា ឆ្នាំ២០១៣ វេលាម៉ោង៧ និង ៩នាទី។ លោក សម រង្ស៊ី បង្ហាញថា លោកទទួលបានអ្នកគាំទ្រ ៦៧,៥៩៥នាក់ គឺច្រើនជាង ចំនួន៣៤នាក់ នៃអ្នកគាំទ្រលោកនាយករដ្ឋមន្ត្រី ហ៊ុន សែន ដែលមានអ្នកគាំទ្រ ៦៧,៥៦១នាក់នោះ។
មួយថ្ងៃមុនការប្រកាសឈ្នះនេះ លោក សម រង្ស៊ី ក៏បានអំពាវនាវឲ្យមានអ្នកគាំទ្រជួយចុច like លើហ្វេសប៊ុករបស់លោកឲ្យបាន១ពាន់នាក់ទៀត ដើម្បីឈ្នះ លោក ហ៊ុន សែន ខណៈលោកនៅថ្ងៃទី១១ មិថុនា ២០១៣ នៅម៉ោង ១៥:៣៥ លោក ហ៊ុន សែន បានទទួល អ្នកគាំទ្រ ៦៧,៤៨៩ "LIKE" ហើយ សម រង្ស៊ី បានទទួល ៦៣,៩០៤ "LIKE" ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា អ្នកលេងហ្វេសប៊ុកនៅកម្ពុជា សុទ្ធតែជាអ្នកចេះដឹង ដែលនាំឲ្យពួកគេអាចដឹងពីបញ្ហាទាំងអស់នៅកម្ពុជា និងអ្វីដែលរដ្ឋាភិបាលកំពុងដើរផ្លូវខុស ៖ "ដែលលេងហ្វេសប៊ុក គឺជានិសិ្សត បញ្ញាវន្ដ ជាបងប្អូនយុវជនដែលគាត់យល់ដឹងអំពីបញ្ហាសង្គម ហើយគាត់ដឹងច្បាស់ណាស់ថា បើសិនទុកមេដឹកនាំបច្ចុប្បន្នឲ្យនៅកាន់អំណាចទៅទៀត គឺមិនអាចដោះស្រាយបញ្ហាជាតិសំខាន់ៗបានទេ ដូចជា បញ្ហាទឹកដី បញ្ហាជនអន្ដោប្រវេសន៍ខុសច្បាប់ដែលហូរចូលមកកម្ពុជា គ្មានទីបញ្ចប់ ប្រព្រឹត្ដអំពើពុករលួយ កាប់បំផ្លាញព្រៃឈើ បំផ្លាញធនធានធម្មជាតិ រឹបអូសដីធ្លីប្រជាពលរដ្ឋ ឲ្យប្រជាពលរដ្ឋត្រហូរយំ ស្ទើរតែរៀងរាល់ថ្ងៃ" ។
សម្រាប់ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា មេដឹកនាំមួយគួរតែមាន Account ហ្វេសប៊ុក ដើម្បីការឆ្លើយឆ្លងព័ត៌មានជាមួយប្រជាពលរដ្ឋ ៖ "តាមទូរទ ស្សន៍ សម្ដេច បាននិយាយច្រើន តែប្រជាពលរដ្ឋអត់មានឱកាស ក្នុងការឆ្លើយតបវិញទេ ប្រសិនបើតាមហ្វេសប៊ុក ប្រជាពលរដ្ឋអាចមានឱកាស ជាពិសេសក្មេងៗ ដូច្នេះជារឿងមួយ កន្លែងមួយល្អ ហើយខ្ញុំមើលទៅ លោកសម រង្ស៊ី ប្រៀបធៀបរឿងហ្វេសប៊ុកហ្នឹង ខ្ញុំមើលទៅដូចជាល្បែងកូនក្មេង ខ្ញុំថាមិនមានអីគួរឲ្យប្រៀបធៀបទេ ប៉ុន្ដែរឿងហ្វេសប៊ុកហ្នឹងវាល្អដែរ សម្រាប់ក្មេងៗជំនាន់ក្រោយ ហើយសម្រាប់អ្នកនយោបាយចូលរួមបាទ" ។
ទោះជាយ៉ាងណា លោកនាយករដ្ឋមន្ត្រី ហ៊ុន សែន បន្តលើកឡើងថា បើសិនជាលោកប្រើប្រាស់ Facebook វិញ លោកនឹងទទួលបានការគាំទ្រ ការចុចLike ច្រើនជាងលោក សម រង្ស៊ី ដូចដែលIRI បានប្រកាសពីលទ្ធផលនៃការស្ទង់មតិលើប្រជាប្រិយភាព៕
.jpg)
