ចំនួន​អ្នក​ស្លាប់​ដោយ​សារ​ទឹក​ជំនន់​នៅ​ឥណ្ឌា កើន​ដល់​ជិត​៦០០​នាក់​

ពលរដ្ឋឥណ្ឌាត្រូវបានជំលាស់ទៅទីទួលសុវត្តិភាព

ចំនួន ​អ្នក​ស្លាប់​​ដោយ​សារ​​ជំនន់​​ទឹក​ភ្លៀង និង​ដី​​បាក់​នៅ​ភាគ​ខាង​ជើង​នៃ​​ប្រទេស​​ឥណ្ឌា បាន​កើន​ជិត​ដល់ ៦០០​​នាក់ ចំណែក​​ភ្ញៀវ​​ទេស​ចរណ៍​​រាប់​ពាន់​​នាក់ នៅតែ​មិន​អាច​ធ្វើ​ដំណើរ​ចេញ​ពី​ទីនោះ​បាន​។​ ​បណ្តាញ​សារព័ត៌មាន Channel News Asia ចុះផ្សាយ​ថា គិត​ត្រឹម​ថ្ងៃ​សុក្រ​​ម្សិល​មិញ ចំនួន​អ្នក​ស្លាប់​ដោយ​សារ​ទឹកជំនន់ និង​ដីបាក់​​ ដែល​បង្ក​ដោយ​ខ្យល់​មូសុងនៅឥណ្ឌា បាន​​កើន​ជិត​ដល់៦០០នាក់​។ ចំ​ណែក​​​​ភ្ញៀវ​ទេស​ចរណ៍​រាប់ពាន់នាក់ ​ត្រូវបាន​រាយការណ៍​មក​ថា​បាន​ជាប់​​នៅ​តំបន់​​នោះ និង​មួយ​ចំនួន​​បាន​​បាត់​​ខ្លួន​។​
មន្ត្រី​ទីស្តីការគណៈរដ្ឋមន្ត្រី លោក Vijay Bahuguna ថ្លែងថា សាកសព​ចំនួន​​៥៥៦ ក្រុម​​យោ​ធា​​ជួយ​​សង្គ្រោះ​រក​​​ឃើញ​​ពេល​​អណ្តែត​ទឹក និង កប់​ក្នុង​ភក់​។​
​ឧត្ថម្ភាគចក្រ និង​ទាហានរាប់ពាន់នាក់ ​ត្រូវ​បាន​រដ្ឋាភិបាល​ចាត់ចែង ដើម្បី​ជួយ​សង្គ្រោះ​។ មនុស្ស​ប្រមាណ​៣៥០០០​នាក់ ក្រុម​អ្នក​​ជួយសង្គ្រោះ បាន​សង្គ្រោះ​ទៅ​កន្លែង​មាន​សុវត្ថិភាព​៕​
​